Ajaxi tronditi Real Madridin mbrëmjen e së martës duke vazhduar tutje në çerekfinale të Ligës së Kampionëve.

Skuadra holandeze u mposhtë 2 me 1 në takimin e parë dhe shumë pak kishin besuar se ata do të jenë në gjendje t’i shkaktojnë ndonjë problem ‘Los Blancos’, transmeton portali arbresh.info.

Por golat nga Hakim Ziyech, David Neres, Dusan Tadic dhe Lasse Schone i siguruan Ajaxit një fitore me rezultat 4 me 1 në Bernabeu duke përjashtuar kampionin në fuqi nga gara më e madhe.

Suarez ka postuar në llogarinë e tij në rrjetin social Twitter një foto të lojtarëve të Ajaxit duke festuar në Bernabeu dhe duke shkruar: “Urime, unë gjithmonë kam qenë një tifoz i Ajaxit”

Sulmuesi i Barcelonës ka shpenzuar katër vite te skuadra holandeze para transferimit në Liverpool, prandaj reagimi nuk është aq befasues./arbresh.info/

https://twitter.com/LuisSuarez9/status/1103063939645128705